Sigmundo

Sigmundo estis la filo de Volsungo kaj Ljod (Hljod). Li estis frato de Signy (sia ĝemelino) kaj de naŭ aliaj fratoj; nomoj neniam estis donitaj por la fratoj de Sigmundo.

Sigmundo estis la sola persono kiu povis eltiri la magian glavon Gram (Balmung) el la granda arbo Branstock (tre simile al Arturo eltiranta Excalibur el roko). La glavo permesis al la viro kiu ĝin portis venki ĉiujn siajn militojn. Siggeir, kiu estis gasto de lia patro kaj proponis edziĝon al lia fratino, volis aĉeti la glavon. Sigmundo rifuzis. La rifuzo kolerigis Siggeiron por plani detruon de Volsungo kaj lia familio.

Lia patro kaj fratoj estis mortigitaj. Sigmundo postvivis, kaj kune kun sia fratino ili serĉis venĝon kontraŭ Siggeir. Sigmundo senkonscie kuŝis kun sia fratino (Signy estis alivestita kiel sorĉistino). Sigmundo ankaŭ sciis ke Sinfjotli estis vere lia filo. Kun la helpo de Sinfjotli, Sigmundo detruis Siggeiron kaj lian popolon, ekbruligante la palacon kaj lasante neniun eskapi krom Signy. Signy tamen diris al Sigmundo la veron pri ilia filo, antaŭ ol reveni al la brulanta domo.

Sigmundo revenis al sia lando kun Sinfjotli kaj fariĝis reĝo de la hunoj. Sigmundo edziĝis al Borghild kaj fariĝis patro de Helgi kaj Hamund. Borghild malamis sian duonfilon kaj venenis Sinfjotlin. Sigmundo ekzilis Borghild pro murdo kaj serĉis novan edzinon. Sigmundo enamiĝis al Hjordis, filino de Eylimi. Lyngi (Lyngvi), filo de Hunding, estis alia svatanto de Hjordis. Lyngi ĵaluzis kiam li perdis al Sigmundo, kiu estis pli aĝa viro. Lyngi gvidis la armeon de sia patro kontraŭ Sigmundo kaj Eylimi.

En la batalo la bopatro de Sigmundo estis mortigita. Odino, kiu donis la glavon al Sigmundo, disrompis la glavon en du. Sigmundo estis mortige vundita, kaj lia armeo estis venkita. Hjordis, kiu estis graveda kun la infano de Sigmundo, trovis sian edzon. Sigmundo petis Hjordis kolekti la rompitajn klingojn de sia glavo kaj doni ilin al ilia filo kiam li bezonos glavon. Hjordis fuĝis al Danio kaj edziĝis al ĝia reĝo, nomata Alf.

Kiam Sigurdo kreskis, Hjordis donis la rompitajn klingojn al sia filo. Per la glavo nomata Gram (Balmung), Sigurdo ne nur mortigis drakon per tiu nova glavo, sed ankaŭ venĝis sian patron mortigante Lyngin kaj liajn fratojn, kaj detruante ilian armeon.

---

Notu ke en la Þiðrekssaga Sigmundo estis la reĝo de Tarlungland kaj filo de Sifjan. Sigmundo havis filon nomitan Sigurdo de sia edzino Sisibe, filino de Nidung, reĝo de Hispanio. En la Nibelungenlied tamen lia edzino estis Sieglind.

En la anglosaksa poemo Beovulfo li estis Sigemund, filo de Waels, la mortiginto de drako (kvankam en norda kaj plej germana literaturo estis lia filo Sigurdo aŭ Siegfried kiu mortigis la drakon).