Signy
Signy estis la filino de Volsung kaj Ljod (Hljod). Ŝi estis la fratino de Sigmund (sia ĝemelo) kaj naŭ aliaj fratoj.
Signy estis la kontraŭvola novedzino de Siggeir, reĝo de Gotlando. Ŝi tuj sciis, ke Siggeir estas perfida kaj murdema. Ŝi sen sukceso provis konvinki sian patron ne permesi la geedzecon. Kiam Siggeir invitis ŝian patron kaj fratojn al sia lando, Signy provis averti sian patron pri la komploto de sia edzo, sed estis ignorata. Rezulte Volsung kaj naŭ el ŝiaj fratoj mortis. Ŝi nur sukcesis savi sian ĝemelon Sigmund.
Signy naskis kvar infanojn al Siggeir. Dum ŝiaj fratoj kaŝiĝis en la arbaro proksime de la palaco, la du planis venĝi sian familion. Signy planis uzi siajn du plej aĝajn filojn por detrui Siggeiron. Kiam ĉiu el ŝiaj du plej aĝaj filoj atingis la aĝon de dek unu jaroj, ŝi sendis ilin al sia frato por testi ilian kuraĝon. Kiam ĉiu el ŝiaj filoj montris mankon de forto kaj kuraĝo, Signy ordonis al sia frato mortigi tiun filon.
Ankoraŭ determinata venĝi la morton de sia patro, Signy serĉis helpon de bela sorĉistino. La sorĉistino transformis Signyn, tiel ke ŝia aspekto similis al la sorĉistino mem. Alivestita kiel la sorĉistino, Signy amindumis kun sia frato dum tri noktoj. Ŝi naskis al Sigmund filon nomitan Sinfjotli.
Signy sendis Sinfjotlin (kiam li estis dek unu jara) al Sigmund. Sigmund ne sciis, ke Sinfjotli estas vere lia filo. Same Sinfjotli ne sciis, ke Sigmund estas lia patro. Kune Sigmund kaj Sinfjotli estis sufiĉe fortaj por venki Siggeiron kaj liajn militistojn. Uzante kaŝon, ili provis enŝteli sin en la palacon de Siggeir, sed la pli junaj infanoj de Siggeir kaj Signy rimarkis ilin. Denove Signy ordonis al Sigmund mortigi siajn infanojn, sed li rifuzis. Ili anstataŭe estis mortigitaj de Sinfjotli. Sigmund kaj Sinfjotli estis kaptitaj. Siggeir metis ilin en la tombaron kaj enterigis ilin vivaj. Signy tamen sekrete sukcesis doni magian glavon al Sigmund. Sigmund kaj Sinfjotli elfosis sian vojon el la tombaro.
Kiam Sigmund kaj Sinfjotli eskapis, ili ekbruligis la palacon, permesante al neniu krom Signy eskapi. Signy eliris el la brulanta domo nur por diri al Sigmund, ke Sinfjotli estas vere lia filo. Signy, kiu sentis sin respondeca pri la mortoj de siaj aliaj infanoj, revenis al la brulanta domo por morti kun sia edzo, kiun ŝi malamis.
