Hrothgar

Dana reĝo, kiu aperis en la malnovangla poemo Beowulf. Hrothgar estis la filo de Healfdene. Hrothgar estis ankaŭ la frato de Heorogar, Halga kaj Yrse. Hrothgar edziĝis al Wealhtheow, kaj estis la patro de filino nomita Freawaru, kaj de du filoj, Hrethric kaj Hrothmund. Hrothgar apartenis al la familio konata kiel la Scyldingoj.

En sia juneco Hrothgar estis konsiderata granda militisto en batalo. Estis li, kiu konstruis la halon – Heorot. La halo estis loko de gaja festado, trinkado kaj kantado. Tragedio frapis kiam la homsimila estaĵo nomita Grendel murdis liajn fidelajn tanojn kaj militistojn en ilia dormo, antaŭ ol manĝi ilin. Heorot fariĝis loko de buĉado dum dekdu jaroj, ĉar Hrothgar malsukcesis ĉasi kaj mortigi Grendel ĝis la alveno de la geata heroo nomita Beowulf. Estis menciite poste, antaŭ ol Beowulf forlasis Hrothgar, ke la dana reĝo regis 50 jarojn.

Beowulf ne nur mortigis Grendel, li ankaŭ mortigis la pli potenca patrinon de Grendel. La dankemo kaj malavareco de Hrothgar ne havis limojn. Hrothgar rekompencis lin per armaĵo, armiloj kaj valoraj objektoj. Hrothgar ankaŭ estus adoptinta lin pro sia amo al la kuraĝa heroo, sed lia edzino Wealhtheow konvinkis la reĝon lasi la regnon al ŝia filo anstataŭe.

Kvankam Hrothgar ne ludis rolon en la dua duono de la poemo, Hrothgar havus feŭdon kun sia bofilo Ingeld la Heathobard, kiu edziĝis al lia filino Freawaru. Ankaŭ estis sugestite, ke la nevo de Hrothgar, Hrothulf, perfidus lin, senigante siajn proprajn filojn de reĝeco.