Brunhild

Brunhild (Brynhild) estis la militistino-reĝino de Islando. Brunhild loĝis en la fortikaĵo nomata Isenstein.

Brunhild estis reĝino de superhoma forto. Ŝia forto venis de ŝia fraŭleco. Se ŝi perdus sian virgecon, tiam ŝi perdus sian superhoman forton. Ŝia eksterordinara forto eĉ surprizis Siegfried. Ŝi povis levi kaj ĵeti grandan ŝtonegon kiun dek du viroj havus malfacilaĵon levi.

Malsame al la Völsunga Saga, Siegfried ne amis Brunhild, nek li promesis edziĝi al la amazona reĝino. Siegfried amis nur Kriemhild, la fratinon de Gunther.

Ŝia beleco gajnis al ŝi multajn fianĉojn, sed ŝi ne volis edzon, do ŝi defiis ĉiun fianĉon al konkurso de forto. Iu ajn viro kiu malvenkis la konkurson perdos sian vivon. Tia estis la situacio kiam Gunther premis sian pretendon.

Tamen, kiam Siegfried kaj lia kunulo alvenis en ŝian regnon, ŝi pensis ke ŝia fianĉo estos Siegfried. Ŝi ŝajnis interesita esti la edzino de Siegfried, kaj estis seniluziigita kiam li ne venis kiel ŝia fianĉo.

Siegfried kaj Gunther trompis ŝin plurfoje en la rakonto. Oni diris al ŝi ke Siegfried estas la vasalo de Gunther. Estis Siegfried kiu venkis ŝin por Gunther en konkurso. Siegfried havis mantelon de nevidebleco por venki Brunhild. Brunhild ne havis elekton ol edziĝi al Gunther. Brunhild devis forlasi sian regnon, kaj moviĝis al Worms, la ĉefurbo de Gunther en Burgundio.

Brunhild ne permesus al Gunther preni ŝian virgecon, do ŝi ligis sian edzon per sia zono, kaj pendigis Gunther sur hoko sur la muro. Brunhild liberigis lin nur ĉe tagiĝo. Do Gunther petis la helpon de sia bofrato. Gunther ŝanĝis lokojn kun Siegfried en la malluma dormĉambro. Siegfried denove venkis ŝin per sia propra forto, por permesi al Gunther preni ŝian virgecon. Brunhild perdis sian superhoman forton pro sia senviriĝo de Gunther. Kiam Siegfried venkis ŝin, Siegfried malsaĝe ŝtelis ŝian ringon kaj ŝian zonon, kaj donis ilin al Kriemhild.

(Notu ke en la Thiðrekssaga, post tri humiligaj noktoj de pendado sur la muro, Gunnar (Gunther) petis la helpon de Sigurdo (Siegfried). Sigurdo superfortis Brynhild. Fakte estis Sigurdo kiu senvirigis Brynhild (Brunhild) por Gunnar (Gunther), por ke ŝi perdu sian superhoman forton.)

Post kiam Siegfried revenis hejmen al Nederlando kun Kriemhild, Brunhild scivolis scii kial ŝia edzo permesis al sia fratino edziĝi al Siegfried. Nekonscia pri la trompo, Brunhild pensis ke Kriemhild edziĝas sub ŝia rango, kaj ke ŝia bofratino edziĝis al vasalo anstataŭ reĝo. Brunhild fariĝis suspektema pri la geedzeco de Kriemhild.

Dek jarojn post ilia geedzeco, ŝi konvinkis sian edzon inviti Siegfried kaj Kriemhild al festo, ĉar ŝi ankoraŭ scivolis pri la vera statuso de Siegfried.

Konfliktoj ekestis el la du reĝinoj. Brunhild estis surprizita ke Kriemhild traktis ŝin kiel egalulon, anstataŭ sub ŝia rango. Baldaŭ ili engaĝiĝis en argumento pri kiu havas prioritatecon super la alia.

Baldaŭ Kriemhild malkaŝis la veron al Brunhild pri la trompoj. Ke Kriemhild ne nur estis la egalulo de Brunhild, sed ankaŭ ŝia edzo (Siegfried) estis egalulo aŭ pli alta en statuso ol ŝia frato Gunther. Por plue humiligi Brunhild, Kriemhild diris al la alia reĝino ke estis Siegfried kiu venkis ŝin en la konkurso kaj poste, kiam Brunhild perdis sian virgecon. Kriemhild pruvis siajn vortojn per malkaŝo de la ringo kaj zono kiujn Siegfried prenis de Brunhild. Kriemhild pensis ke ŝia edzo ankaŭ devis preni la fraŭlecon de Brunhild (kio ne estis vera).

(En la Völsunga Saga, Brynhild planis la morton de Sigurdo, ĉar ne estis Gunnar kiu rajdis tra la Ringo de Fajro sed Sigurdo, la viro kiun ŝi amis, kiu rajdis tra la flamo alivestita kiel Gunnar. Estis Gudrun kiu malkaŝis al Brynhild la trompon de Sigurdo kaj Gunnar. Gudrun pruvis tion al Brynhild per malkaŝo de la malbenita ringo (Andvaranaut) kiun Brynhild iam portis. Tio havis nenion komunan kun la virgeco de Brunhild en la Nibelungenlied.)

Brunhild koleriĝis pro la publika humiligo de Kriemhild kaj la trompo kiun ŝia edzo kaj Siegfried ludis sur ŝi. Ŝi ne estus kontenta ĝis ŝi punus Kriemhild kaj Siegfried.

Brunhild gajnis Hagen al sia flanko, kiu promesis murdi Siegfried. Hagen kaj Gunther planis la morton de Siegfried, kun Hagen liverante la mortigan baton al Siegfried en la arbaro.

Kun la morto kaj funebro de Siegfried, Brunhild ne plu ludis iun gravan rolon en la Nibelungenlied. Ŝi ankoraŭ vivis kaj estis edziĝinta al Gunther, sed la rakonto nun centris sur Kriemhild kaj Hagen. Brunhild ne faris sinmortigon kiel Brynhild ĉe la funebro de Sigurdo, en la Völsunga Saga.