Fiŝkapt-ekspedicio

Norse

Aegir okazigis feston por la dioj, sed ne havis sufiĉe da alo por inviti ĉiujn. Tiro proponis ke ili iru al sia patro, la giganto Hymir, kiu havis magian kaldronon per kiu Aegir povus bredi preskaŭ senliman alon.

Toro kaj Tiro devis preni kaldronon por aliĝi al la festo de Aegir. La giganto Hymir posedis la kaldronon. Post serio de argumentoj kaj provoj inter Toro kaj Hymir, ili eliris al la maro por testi sian forton.

Notu ke en la versio de Snorri Sturluson de tiu rakonto li preterlasis ĉiujn detalojn pri la festo de Aegir kaj la gajnado de la kaldrono.

En la malgranda boato Toro uzis ŝnuron kaj grandan hokon. Toro mortigis la plej grandan bovidon en la grego de Hymir, poste uzante bovokapon kiel logaĵon ĵetis la hokon en la maron. Baldaŭ li kaptis Jörmungand kaj okazis titana lukto inter la tondrodio kaj la Midgarda serpento, kaŭzante ke la boato danĝere svingiĝis. Hymir ektimis kiam Toro eltiris la kapon de la serpento el la akvo. Dum la dio kaj la serpento frontis unu la alian, Toro provis frakasi sian martelon sur la kapo de la monstro.

Hymir, kiu vidis Jörmungand, ektimis preskaŭ ĝis morto. Ekzistas du malsamaj versioj de tio kio okazis poste.

Laŭ la versio el Hymiskvida (Poezia Edda), Toro sukcesis doni unu potenca bato, sed ne mortigis Jörmungand. Jörmungand eskapis reen en la maron kiam la linio de Toro rompiĝis. Toro kaj Hymir revenis al la hejmo de la giganto kun nur du balenoj.

Tamen en la Proza Edda Hymir ektimis pro la grandeco de la monstro kaj uzis sian log-tranĉilon por detranĉi la linion de Toro. Toro ĵetis Mjollnir al la kapo de Jörmungand, sed ne mortigis la serpenton.

Toro koleris ke la giganto permesis al Jörmungand eskapi, do la dio frapis la orelon de Hymir per sia pugno. Hymir falegis superborden; la piedoj de la giganto videblis elstarantaj el la akvo.

Revenante al la versio de la Poezia Edda (Hymiskvida), Hymir diris al Toro ke li donos al li la kaldronon se li trapasos kelkajn provojn de forto. La lasta provo estis rompi la kristalan pokalon. Kiam Toro ĵetis la pokalon sur ŝtonan kolonon, ĝi ne rompiĝis.

Unu bela virino donis al Toro saĝan konsilon. Toro levis la pokalon kaj ĵetis ĝin denove, sed tiufoje frakasis la pokalon sur la frunto de Hymir.

Hymir ne havis elekton ol doni sian ŝatatan kaldronon al Toro. Tiro eĉ ne povis levi la kaldronon de la tero. Toro facile portis la kaldronon sur sia kapo.

Hymir kaj liaj kunuloj ne ŝatis perdi al Toro, do ili persekutis la du diojn en la arbaron. Toro, komprenante la danĝeron, decidis fronti ilin. Per Mjollnir Toro mortigis Hymiron kaj ĉiujn gigantojn kiuj sekvis lin.

Toro revenis triumfe al la festo de Aegir kun la kaldrono.