Tenedos

La insulo antaŭe nomiĝis Leŭkofris, kaj estis renomita al Tenedos de Tenes.

Tenes estis filo de Kiknos kaj Prokleja, sed oni diris ke lia vera patro estis Apolono. Li estis frato de Hemitea. Kiknos estis reĝo de Kolonaj, apud Trojo. Prokleja estis filino de Laomedon, kio igus ŝin fratino de Priamo. Kiknos poste edziĝis al Filonome, filino de Tragasos, sed ŝi amis Tenes-on. Filonome sensukcese provis seduki sian duonfilon, do ŝi akuzis Tenes-on pri provo seduki ŝin. Tio sukcesis, ĉar ŝi produktis falsan atestanton nomatan Eŭmulos, flutludiston. Kiknos metis Tenes-on kaj sian filinon en keston kaj ĵetis ĝin en la maron. Poste, Kiknos malkovrus ke la akuzoj de sia edzino estis falsaj, do li entombigis ŝin vivante, kaj li ŝtonumigis Eŭmulos-on.

La kesto alvenis sur la strando de insulo, kaj Tenes ŝanĝis ĝian nomon al Tenedos. Li regis ĝin ĝis la greka floto alproksimiĝis al lia insulo. Tenes sukcesis forpeli la floton per ĵetado de ŝtonoj kontraŭ la ŝipoj, sed Tenes estis mortigita de Aĥilo. Aĥilo estis avertita de sia patrino, la mara diino Tetiso, ne mortigi Tenes-on ĉar li estis filo de Apolono; Apolono poste estus respondeca pri la morto de Aĥilo. (Vidu Oferon ĉe Aŭlido kaj la Morto de Aĥilo.)

Kiam la grekoj oferis al Apolono por kvietigi la dion, akva serpento mordis Filoktetes-on, posedanton de la pafarko de Heraklo. La grekoj poste forlasus Filoktetes-on sur la insulo Lemnos ĉar la fetoro de lia serpentmordo estis terure malagrablega.