Samothrace

Samotrako estis unu el la insuloj en la Trakia Maro (norda Egeo), norde de Lemno kaj Imbro. La insulo estis loĝata de la trakioj kaj samiaj kolonianoj.

La Plejado Elektro naskis Dardanon kaj Jasionon. Zeŭso mortigis sian propran filon Jasionon per fulmo pro kuŝado kun la diino Demetro. Dardano forlasis Samotrakon ĉar li estis tro afliktigita pro la morto de sia frato.

Samotrako estis centro de la samotraka mistera kulto. La kultanoj adoris kelkajn obskurajn diaĵojn aŭ spiritojn konatajn kiel daimonoj, kaj estis kolektive konataj kiel Kabiroj. La Kabiroj eble estis fekundecaj diaĵoj aŭ gardaj spiritoj por protekto. Apolonio Rodano diras ke Orfeo insistis ke la Argonautoj haltu ĉe Samotrako por esti inicataj en la samotrakajn misterojn, por akiri protekton de la Kabiroj.