Teŭkro kaj Dardano

Teŭkro (Τεῦκρος) estis filo de la riverdio Skamandro kaj Idea, nimfo de la monto Ida. Li estis la unua reĝo de la Troado. Ne multe alia estas konata pri Teŭkro, krom ke li estis la patro de Batejo.

Dardano (Δάρδανος) estis filo de Zeŭso kaj Elektro, unu el la Plejadoj, filino de la Titano Atlanto kaj Plejono. Dardano ankaŭ estis frato de Iasion. Ili loĝis sur la insulo Samotrako.

Laŭ la plej multaj mitoj, Iasion (Ἰασίων) fariĝis amanto de la diino Demetro, kiu naskis al li filon nomitan Pluto. La diino instruis al Iasion pri agrikulturo. Laŭ Apolodoro tamen Iasion perfortis Demetron, do li estis frapita de la tondrobato de sia patro.

Funebre pro sia frato, Dardano forlasis Samotrakon kaj estis bonvenigita de Teŭkro. Dardano edziĝis al Batejo, kiu naskis al Dardano du filojn, Ilon kaj Eriĥtonion. Dardano translokiĝis al la deklivo de la monto Ida, kie li fondis la urbon Dardanio.

Oni diris, ke kiam Dardano mortis, Elektro kaŝis sian vizaĝon en sia funebro. Tio klarigis, ke el la sep steloj de la Plejadoj la stelo de Elektro estas la plej malforta. Tamen la kutima mito diris, ke tiu malforta stelo nomiĝis Merope, fratino de Elektro, ĉar ŝi estis la sola fratino, kiu kunigis kun mortemulo.

Ilo (Ἴλος) fariĝis reĝo unue, sed li mortis juna kaj seninfana, do lia pli juna frato Eriĥtonio (Ἐριχθόνιος) sukcedis lin kiel reĝo de Dardanio. Tiu Ilo ne estu konfuzita kun Ilo (filo de Troso), kiu poste fondis Ilionon, ofte nomata Trojo.

Eriĥtonio edziĝis al Astioĥe, filino de la riverdio Simoeis, kaj ŝi naskis al li filon nomitan Troso. Eriĥtonio estis dirita esti la plej riĉa reganto en la mondo en tiu tempo, ĉar li posedis 3000 ĉevalinojn. Boreaso, la dio de la norda vento, tiom ŝatis la ĉevalinojn, ke li transformis sin en nigran virĉevalon, kunigante kun la plej multaj el la ĉevalinoj.