Fer Díad Mac Damann

Firbolga militisto. Fer Díad (Fer Diad) estis la filo de Damann aŭ Damáin.

Fer Díad estis infanaĝa kompanulo de Cú Chulainn (Cu Chulainn). Ili ĵuris eternan amikecon kaj amon unu al la alia kiel fratoj. Same kiel Cú Chulainn, Fer Díad serĉis trejnadon de la fama militistino Scathach, sed ne povis transiri la Ponton de Saltoj.

Fer Díad fariĝis unu el la ĉampionoj kiuj batalis por Medb de Connacht. Komence, Fer Diad, kune kun Fergus Mac Roich kaj multaj ulsteraj ekzilitoj, rifuzis batali kontraŭ Cu Chulainn en unuopa kombato. Plurfoje, Medb provis instigi Fer Díad batali kontraŭ Cú Chulainn dum la Bovara Atako de Cooley; Fer Díad rifuzis ĉiufoje pro sia amikeco kun Cú Chulainn. Medb finfine konvinkis Fer Díad promesante permesi al la juna firbolgo edziĝi al ŝia filino, Findabair, kaj ankaŭ minacante ordoni al ĉiuj korteganaj bardoj nomi lin malkuraĝulo.

Dum tri tagoj, Cú Chulainn kaj Fer Díad batalis unu kontraŭ la alia. Ĉe la fino de ĉiu el la unuaj du tagoj, ili retiriĝus, flegus la vundojn unu de la alia, kaj dormus flanko ĉe flanko. Sed ilia rilato estis streĉita. En la lasta tago, Fer Díad falis de la nevenkeble lanco de Cú Chulainn, la gae bolg. Cú Chulainn malespere bedaŭris ke li mortigis sian plej amatan kompanulon. Cú Chulainn, kiu ankaŭ estis vundita kaj elĉerpita de la duelo kun Fer Diad, perdis konscion, permesante al la armeo de Medb transiri la vadon.

La korpo de Fer Díad estis rekolektita de la armeo de Medb kaj entombigita kun plenaj honoroj.