Morgawse
Morgawse estis la plej maljuna filino de Igraine kaj Gorlois (Hoel), duko de Kornvalo. Tio faris ŝin duonfratino de Arthur. Ŝi estis la fratino de Elaine kaj Morgan le Fay.
Ŝi estis probable unu kaj la sama persono kiel Anna, filino de Uther kaj Igraine; tial ŝi estis la plena fratino de Arthur en la frua legendo. Ĉiuj aŭtoroj diris ke Anna aŭ Morgawse estis edzino de Reĝo Lot kaj patrino de Gawain. En la frua legendo, Anna havis nur du filojn: Gawain kaj Mordred. En la posta legendo, ŝi havis kvar ĝis kvin filojn: Gawain, Agravain, Garheris kaj Gareth (aŭ Gaheriet kaj Guerrehiet). Kelkfoje Mordred estis menciita kiel ŝia filo, kelkfoje ne.
Jam en la Vulgata Merlin, estis Arthur kiu estis la patro de Mordred, kiam Mordred perfidis lin, implicante ke li faris inĉeston kun Morgawse. Tamen en la Suite du Merlin, la aŭtoro estis eksplicita; Arthur senvole faris inĉeston kun Morgawse (vidu la Vivon de Reĝo Arthur). Ĉar li estis edukita de sia adoptpatro, Sir Antor (Ector), li neniam sciis ke li havas fratinon. Mordred plenkreskus kaj perfidus sian patron, detruante Arthur kaj liajn kavalirojn. [Ĉi tio estis ankaŭ rakontita en la Le Morte d’Arthur de Malory: Vol. 1 Libro 1 Ĉapitro 19]
Morgawse ankaŭ aperis kiel Norcadet kun sia patrino (Igraine) en la Rakonto de la Graalo (Le Conte du Graal) de Chrétien de Troyes, kiam Gawain aperis ĉe la kastelo nomata Rock of Champguin. Kvankam Gawain eksciis kiuj ili estas, nek Morgawse nek Igraine povis rekoni lin, ĉar Morgawse estis forlasinta lin kiam li estis ankoraŭ infano, antaŭ ĉirkaŭ dudek jaroj.
Morgawse estis graveda kun filino en la tempo de sia malapero. Gawain renkontis sian fratinon, kiu estis nomata Clarissant.
Ankaŭ en la rakonto de Malory [Le Morte d’Arthur, Libro X Ĉapitro 24], Morgawse estis ankoraŭ konsiderata granda belulino. Kavaliro nomata Lamorak estis freneze enamiĝinta al Morgawse. Kiam ŝia filo, Sir Gaheris, trovis ŝin amante kun Sir Lamorak, Gaheris estis indignigita ke lia patrino amoras kun lia mortala malamiko. Gaheris fortranĉis la kapon de sia propra patrino per sia glavo. Gawain kaj liaj fratoj estis mortalaj malamikoj de Lamorak, ĉar la patro de Lamorak, Pellinor, mortigis ilian propran patron (Lot).
