King Lot

Reĝo de Orkneo. Laŭ Geoffrey de Monmouth, Lot estis la frato de Urien, reĝo de Moray, kaj Auguselus (Angel), reĝo de Albany (Skotlando). Lot estis reĝo de Lotiano. Lot edziĝis kun Anna, filino de Uther kaj Igraine, kaj fratino de Arturo. Li havis du filojn, Gawain kaj Mordred. Lot estis gvidanto de la britaj fortoj kontraŭ la Saksonoj sub Octa kaj Eosa, kiam Uther malsaniĝis.

Lot estis restarigita al la trono de Lotiano (suda Skotlando). Kiam Arturo konkeras Norvegion, Arturo donis Norvegion al Lot kiel rekompencon por lia lojaleco.

Postaj legendoj diras ke Lot estis edzigita al Morgawse aŭ Norcadet, la duonfratino de Arturo (do la filino de Gorlois kaj Igraine). Lot estis la patro de kvar aŭ kvin filoj anstataŭ du: Gawain, Agravain, Gahreis (Gaheriet), kaj Gareth (Guerrehet), kaj foje de Mordred. Tamen, oni ankaŭ diris ke Mordred estis la filo de Arturo per lia duonfratino Morgawse.

La posta tradicio ankaŭ translokis la regnon de Lot pli norden: sur la insulon de Orkneo anstataŭ Lotiano.

Lot estis unu el la dek unu reĝoj kiuj kontraŭstaris la reĝecon de Arturo [Libro I, Ĉapitroj 12-17]. Pellinor, patro de Lamorak kaj Perceval, mortigis Lot en la batalo [Le Morte d’Arthur de Malory, Libro II, Ĉapitro 10; Suite du Merlin; Prose Tristan].

En la verko Parzival de Wolfram von Eschenbach (ĉ. 1200), Lot estis edzigita al Sangive, kaj estis la patro de du filoj, Gawain kaj Beacurs, kaj tri filinoj - Surdamur, Curdrie kaj Itonje.