Aurelius Ambrosius

Brita reĝo. Aurelius Ambrosius estis la dua filo de Constantine kaj frato de Constans kaj Uther. Aurelius ricevis la aldonan nomon Ambrosius. En la kimra lingvo, Ambrosius Aurelianus estas tradukita kiel Emrys Wledig. Tamen, la nomo Emrys povas esti aplikita ankaŭ al Merlin, kiu estis ankaŭ konata kiel Ambrosius.

Kiam Vortigern mortigis lian pli aĝan fraton, Aurelius kaj Uther estis sekrete portitaj al Bretonio, kie ili estis edukitaj. Jarojn poste, Aurelius kaj Uther revenis al Britio kun armeo por detroni la uzurpanton, venĝi la morton de sia frato, kaj elpeli la Saksojn el Britio. Vortigern estis bruligita viva en sia palaco. Hengist kaj lia frato, gvidantoj de la Saksoj, estis venkitaj kaj mortigitaj.

Aurelius Ambrosius fariĝis reĝo de la Britoj. Aurelius entreprenis restarigi la teron kaj preĝejojn kiujn la Saksoj estis detruintaj en la milito. Kun la helpo de Merlin, Aurelius respondecis pri transporto de ŝtonoj el Irlando por starigi la Gigantan Ringon, nun konatan kiel Stonehenge.

Tamen, lia regado estis mallonga. Li ankoraŭ devis batali kontraŭ la restantaj Saksoj sub la gvidado de la filo de Hengist, Octa, kaj ankaŭ kontraŭ Paschent, filo de Vortigern.

Iun nokton, Aurelius estis murditaj. Veneno estis uzita por mortigi lin. Aurelius estis entombigita ĉe Stonehenge.

Laŭ la kelta historiisto Gildas, estis Aurelianus Ambrosius kiu venkis la Saksojn en la batalo de Monto Badon, ne Arthur.