Brangwain

Fidela kunulino de Isolde la Bela. Brangwain estis foje konsiderata la kuzino de Isolde. Ŝi estis ankaŭ la servistino de Isolde.

Kiam Isolde iris al Kornvalo kun Tristan por edziniĝi al Reĝo Mark, Reĝino Isolde konfidis al Brangwain la amorelixiron kiun ŝi preparis por sia filino (Princino Isolde) kaj Reĝo Mark. Tamen pro malfeliĉa akcidento, Tristan kaj Isolde trinkis la amorelixiron kaj enamiĝis unu al la alia.

Por kaŝi la perdon de virgeco de Isolde, Brangwain prenis la lokon de sia mastrino en la lito kun Mark dum la unua nokto post la geedziĝo.

Per la ruzeco kaj kapableco de Brangwain, ŝi aranĝis multajn renkontiĝojn inter Tristan kaj Isolde, same kiel malsukcesigis la provojn de Mark kaj iliaj malamikoj kapti la amantojn.

En la plejparto de la legendoj, la amanto de Brangwain estis Kaherdin, frato de la bretona Isolde (Isolde de la Blankaj Manoj).

Laŭ la Proza Tristan, Brangwain estis pli ol nur servistino kaj kunulino de Isolde. Ŝi estis de reĝa naskiĝo. Ŝiaj fratoj, Perynin kaj Mathael, fariĝis skviroj de Tristan dum la unua vizito de la heroo al Irlando; kiam Tristan forlasis Irlandon, ŝiaj fratoj iris kun li.