Yrsa (Yrse)
Reĝino de Danio kaj Svedio. En la islanda tradicio ŝia nomo estis Yrsa. En la dana Gesta Danorum (la historio de Danio verkita de Saksio), ŝi estis Vrsa, kaj en la malnovangla poemo Beovulfo ŝi estis nomata Yrse.
Unu afero kiu estis nekonsekvenca en norda literaturo estis ke ŝi estis la filino de Olof (aŭ Alof), kaj Helgi (reĝo de Danio) estis ŝia patro; Yrsa edziĝis kaj al Adils kaj al sia patro Helgi, sed ŝi ne sciis ke li estas ŝia patro. De sia patro-edzo ŝi estis la patrino de Hrolf.
En la malnovangla poemo Beovulfo ŝi ne estis la filino de Halga (Helgi), sed de Healfdene (Halfdan), kaj ŝi estis la fratino de Halga, Hrothgar kaj Heorogar. Ankaŭ ŝi eĉ ne estis la patrino de Hrothulf (Hrolf), kiu estis la filo de Halga. Kaj ŝi eĉ ne estis edziĝinta al Eadgils, kiu estis la angla ekvivalento de Adils; ne, ĉar laŭ Beovulfo ŝi estis edziĝinta al la onklo de Eadgils, Onela. Do la malnovangla poemo estas tute konfuza pri kiel Yrsa rilatis al kiu en la Skjoldunga (Scyldinga) linio kaj al kiu ŝi edziĝis en la sveda regno.
Kio estas klara estas ke Yrsa (aŭ Yrse) estis konata pro sia saĝo.
En la sago de Hrolf Kraki, Helgi perfortis Olof kiam ŝi rifuzis lin kiel sian svatanton. Do Olof fariĝis graveda kaj naskis Yrsan. Yrsa estis neglektita kiel infano de sia patrino, kaj kiam Helgi renkontis kaj enamiĝis al Yrsa, neniu sciis ke ili estas parencaj krom ŝia patrino. Olof ne malkaŝis ke la geedza paro estas patro kaj filino ĝis Yrsa naskis Hrolfon. La malkaŝo ke ili faris inceston kaŭzis ke Yrsa forlasu sian patron-edzon kaj Danion kaj revenu al sia patrino, nur por ke ŝia patrino aranĝu geedzecon al reĝo kiun ŝi ne amas — Adils, reĝo de Svedio.
Adils venis el la Ynglinga linio. La nova edzo estis konata pro sia avareco, malkuraĝo kaj perfido. Kiam Helgi venis postuli tributon de Adils, Adils havis siajn ĉampionojn embuski Helgin. La morto de ŝia patro-kaj-eks-edzo gajnis al Yrsa malamikecon.
Kiam Hrolf estis reĝo de Danio, kaj venis al Svedio postuli la trezoron de sia patrino kiel sian rajtan heredaĵon, ŝi sciis ke Adils perfide provos mortigi ŝian filon, do ŝi helpis la eskapon de Hrolf, plus helpis lin gajni la trezoron. Adils persekutis Hrolfon kaj liajn ĉampionojn, sed haltis kaj desaltis de sia ĉevalo por preni oran ringon, la plej ŝatatan trezoron de Adils. Kun Adils klinita, Hrolf rajdis reen kaj vundis la svedan reĝon, uzante sian glavon por tranĉi la sidvangojn de Adils.
Kiam Hrolf kaj liaj ĉampionoj estis mortigitaj en batalo kontraŭ lia duonfratino Skuld (la duonfilino de Yrsa, kiun ŝi neniam renkontis), kaj ŝia edzo Hiorvard, Yrsa levis armeon sub la komando de Vogg kiu aliĝis al la armeo de la fratoj de Bodvar, por venĝi la morton de la herooj. Ili venkis Skuld kaj Hjorvard.
Laŭ la Ynglinga-sago, Snorri donas malsaman version de tiu legendo. Adils edziĝis al Yrsa unue, post rabi Saksion. Helgi poste forprenis ŝin de Adils kaj edziĝis al ŝi. Al Helgi ŝi fariĝis la patrino de Hrolf, la estonta reĝo de Adils.
