Skuld

Sorĉistino en la sago de Hrolf Kraki.

Skuld estis filino de Helgi kaj sennoma fea virino. Ŝi estis duonfratino de Hrolf Kraki, reĝo de Danio. Skuld edziniĝis al potenca reĝo nomita Hiorvard (Hjorvard).

Komparo povas esti farita inter Skuld kaj la artura Morgan le Fay. Kiel Morgan estas la duonfratino de reĝo Arturo, Skuld estis duonfratino de Hrolf. Kiel Morgan, ŝi estis potenca en magio kaj sorĉado. Kaj kiel Morgan, Skuld perfidis sian fraton. Skuld, kun sia edzo, militis, kio kaŭzis la morton de ŝia duonfrato kaj de la ĉampionoj de Hrolf.

Skuld instigis sian edzon militi kontraŭ ŝia duonfrato. Ŝi uzis sorĉadon por helpi sian armeon. Malgraŭ la heroa defendo de Hrolf kaj liaj ĉampionoj kontraŭ siaj malamikoj, ili ĉiuj falis en batalo. Hjorvard ankaŭ falis en batalo.

Do Skuld regis Danion, ĝis la fratoj de Bodvar, Elk-Frodi kaj Thorir, levis armeon kun aliaj aliancanoj, inkluzive de Vogg komandanta kontingenton el Svedio. Ili velis al Danio, kaptante la urbon surprize. Skuld estis kaptita, kaj la fratoj de Bodvar torturis ŝin al morto.

El la latina Gesta Danorum, ŝia nomo estis skribita Skulde, kaj ŝia edzo Hiartuar (Hjorvard).