Olof
Reĝino de Saksio, kaj patrino de Yrsa. Kvankam ŝi ne vere estas Valkirio, la Olof en Hrolfs saga ŝatis vesti sin en kiraso kaj porti armilojn.
Laŭ la sagao de Hrolf Kraki, ŝi estis needziĝinta. Ŝi estis perfortita de Helgi, reĝo de Danio, post kiam ŝi rifuzis lian geedziĝproponon. Ŝi havis Yrsan, sed ŝi neglektis sian filinon, kaj sciante, ke Helgi edziĝos al ŝia filino, Olof diris nenion, lasante ilin fari inceston. Iom da tempo post kiam Hrolf naskiĝis, Olof malkaŝis la sekreton al kio ŝajnis esti feliĉa paro. Ambaŭ estis detruitaj de la vero, kaj Yrsa forlasis sian patron-edzon kaj revenis al Olof, nur por esti edzigita al Adils, reĝo de Svedio, kiun Yrsa malamis.
Olof ricevis sian venĝon kontraŭ Helgi pro perforti ŝin kaj gravedigi ŝin per infano, kiun ŝi neniam amis.
En la Ynglinga (parto de Heimskringla) tamen Snorri Sturluson diras, ke Alof (Olof) la Granda edziĝis al Geirthjof, la reĝo de Saksio, kaj ke Geirthjof estis la patro de Yrsa, ne Helgi de Danio. Kvankam la sagao kaj la Ynglinga ambaŭ estas islanda literaturo, iliaj tradicioj ŝajnis malsami pri la patro de Yrsa. La rolo de Alof en la Ynglinga same kiel la geedzeco de Yrsa al ambaŭ Adils kaj Helgi estis malsamaj ol en la sagao. (Vidu Yrsa, Helgi kaj Adils.)
En la Proza Edda de Snorri kaj la Poezia Edda Olof tute ne estas menciita. Tamen Yrsa kaj Hrolf estas, sed nek edda verko malkaŝis multon pri ili.
En la malnovangla eposo Beowulf Olof tute ne estas menciita, kaj la patro de Yrse (Yrsa) estas nek Halga (Helgi) nek Geirthjof; ŝia patro estis Healfdene (Halfdan), kio farus Yrsen fratinon de Heorogar, Hrothgar kaj Halga (Helgi). Ankaŭ ŝi ne estis la patrino de Hrothulf aŭ Hrolf en tiu malnovangla eposo.
Reĝino de Saksio. Olof estis kaj militistreĝino kaj sorĉistino, kaj ŝi tre bone povus esti Valkirio. Ne nur ŝi estis bela, ŝi estis tre forta. Sed ŝia belo ne estis egalita de ŝia temperamento, ĉar ŝi estis kruela kaj aroganta. Ŝi volis neniun edzon, precipe ne Helgion, reĝon de Danio.
Kiam Olof rifuzis Helgion per humiligi lin — ŝi ebriigis lin, drogigis lin por dormi, tiam razis for ĉiujn liajn harojn kaj ŝmiris gudron sur lian tutan korpon antaŭ ol ŝovi lin en sakon kaj sendi lin reen al sia ŝipo. Helgi estis senpova kontraŭ Olof, ĉar ŝi sukcesis kunvenigi sian armeon.
