Serpentdiino
En 1903 la arkeologo Sir Arthur Evans malkovris figurojn de virinoj en tio kio eble estis templo ene de la palaco de Knoso (Cnossus) en Kreto. La figuroj ne estis trovitaj entute, sed ili estis zorge rekunmetitaj kaj rekonstruitaj. La figuroj ricevis la nomon «Serpentdiino».
La Serpentdiinoj estis kreitaj dum la meza minoa periodo, eble ĉirkaŭ 1700 a.K. Kreto kaj ĝiaj palacoj atingis la pinton de sia arta nivelo.
Serpentdiino
Argila figuro, ĉ. 1700 a.K.
Irakliono, Kreto
Estis multaj spekulacioj pri kiu persono estas tiu figuro. Kelkaj fakuloj sugestis ke ŝi estis simple serpentĉarmisto aŭ serpentmanipulisto, dum aliaj asertis ke ŝi estis pastro. La plej multaj homoj kredis ke ŝi estas diino, kaj hodiaŭ oni kutime nomas ŝin la Serpentdiino. Ne ekzistas reala pruvo ke la statueto prezentas diinon. Sen literaturo kiu subtenu ke la statueto ja estis diino, ni povas nur diveni kiu ŝi eble estis.
La du figuroj estis similaj, sed havis malsamajn brakgestojn.
Unu figuro montras virinon en nekutima vesto kun interkovrantaj faldoj, sed ŝiaj mamoj estas nudaj. Sur ŝia kapo ŝi portas ĉapelon kun sidanta kato supre. Ŝi ankaŭ tenas du malgrandajn serpentojn, unu en ĉiu mano, kio rememorigas nin pri la bronzepoka diino konata kiel la Mastrino de bestoj (Potnia theron), tenante sovaĝan beston en ĉiu mano, ofte leonon, cervon aŭ birdon.
Se ni vidas ŝin kiel diinon, tiam la du tipoj de bestoj donas indicojn pri ŝiaj atributoj. Tamen, kion ni scias estas vere nur spekulacio.
La serpentoj kiujn ŝi tenas povas havi multajn malsamajn signifojn. Ĉar serpento povas alporti rapidan morton per sia veneno, ŝi povus esti vidata kiel la diino de morto aŭ de la mortintoj.
Serpentoj, same kiel la kato, povas ankaŭ simboli la postvivon.
Aliflanke, serpentoj povas ankaŭ simboli vivon, ĉar serpentoj ofte estas asociataj kun resanigo.
Aldonante la katon kun la serpentoj, la figuro eble prezentas diinon de sekseco aŭ fekundeco. Ŝiaj seksaj atributoj estis emfazitaj per la malkovro de ŝiaj plenaj, rondoformaj mamoj. Tio eble indikis ke ŝi estas patrindiino.
Ekzistas alia figuro de la Serpentdiino. Tiu iom pli alta figuro portas malsaman tipon de vesto, sed kiel la unua kiun mi menciis antaŭe, ŝiaj mamoj estas nudaj. La dua figuro portas tre altan ĉapelon.
Dum la unua figuro montras la diinon tenante du malgrandajn serpentojn en siaj manoj, la dua figuro havas tre longan serpenton kun ĝia kapo en ŝia dekstra mano. La serpento interplektiĝas supren laŭ ŝia dekstra brako, super ŝia ŝultro, malsupren unu flankon de ŝia dorso, poste tra ŝiaj gluteoj; poste supren la alian flankon de ŝia dorso, super ŝia maldekstra ŝultro, kaj interplektiĝas ĉirkaŭ ŝia maldekstra brako, kun ĝia vosto en ŝia maldekstra mano.
La kapo de la dua serpento troviĝas supre de ŝia ĉapelo. Sekvante ĝian longan korpon malsupren laŭ la ĉapelo, antaŭ la maldekstra orelo de la virino, kurbiĝante ĉirkaŭ la ekstero de ŝia maldekstra mamo, antaŭ ol daŭri malsupren ĝis sub ŝia talio, tra ŝia ventro, kaj reen supren la dekstran flankon de la korpo de la virino. La vosto de la serpento finfine bukliĝas ĉirkaŭ la dekstra orelo de la virino.
La statuetoj prezentas aŭ ke ekzistas unu sola diino en du malsamaj tipoj de kostumoj, aŭ ke la minoanoj adoris du serpentdiinojn.
Ĉu la Serpentdiino postvivis post la doria invado?
Homoj scivolis ĉu unu el la diinoj en la grekaj mitoj heredis la rolon de la minoa serpentdiino. Ĉu ŝi povus esti Artemiso, Atena, Rea, Kibelo, aŭ eĉ Demetra?
Kelkaj kretaj diinoj kiel la naskodiino Eleŭtia kaj la militdiino Enio postvivis ĝis la klasika periodo. Kiel mi povas diri, ne ekzistas simileco inter la Serpentdiino kaj la diinoj kiuj postvivis en la greka mitologio kaj literaturo kiun ni havas hodiaŭ.
En arkaika kaj klasika greka arto, diinoj malofte estis vidataj kun serpentoj.
Rilataj informoj
Rilataj artikoloj
Potnia theron (Mastrino de bestoj).
