Dua laboro: la Hidro
Por la dua laboro Heraklo devis mortigi la Hidron, kiu loĝis ĉe fonto proksime de Lerno, Argolido.
La Hidro estis estaĵo, kiu havis multajn kapojn. La nombro de kapoj variis, depende de la aŭtoro. Kutime estis naŭ kapoj. Unu el la kapoj estis senmorta. La aliaj kapoj estis pli mortigaj: kiam unu kapo estis detranĉita, du kapoj kreskis anstataŭe.
Heraklo kaj la Hidro
Antonio Pollaiolo, 1460
Galerio degli Uffizi, Florenco
Heraklo ankaŭ devis forbatali grandegan krabon senditan de Hera. Heraklo devis mortigi la krabon unue antaŭ ol li povis alfronti la Hidron. Hera rekompencis la krabon pro ĝia servo metante ĝin en konstelacion konatan kiel Kankro.
Kun la helpo de sia nevo kaj kunulo Iolao (Iolaus, ´Ιολαος), kiam ajn Heraklo detranĉis unu el ĝiaj kapoj, Iolao uzis brulantan stangon por kaŭterizi la kolon, por malhelpi pliajn kapojn ŝosi.
La senmorta kapo estis pli facile forigebla. Post detranĉo, Heraklo enterigis la senmortan kapon sub grandega ŝtonego. La veneno de la Hidro estis universale mortiga al iu ajn viktimo. Heraklo tegis siajn sagojn per la sango de la Hidro. (Tiu veneno poste kaŭzus lian propran morton.)
Tamen Eŭristeo rifuzis kalkuli tiun laboron ĉar li havis helpon de Iolao. Heraklo devis fari ekstra laboron.
Rilataj informoj
Fontoj
Biblioteko estis skribita de Apolodoro.
Fabulae kaj la Poetica Astronomica estis skribitaj de Higino.
Teogonio estis skribita de Hesiodo.
Rilataj artikoloj
Iolao, Eŭristeo.
Hidro.
Faktoj kaj ciferoj: Astronomio, vidu la konstelaciojn de la Hidro kaj Kankro (la Krabo).
