Eriko

Urbo en okcidenta Sicilio, proksime de Lilibeo (moderna Marsala). Eriko estis fondita de Eriko, filo de Buto kaj Afrodito.

La patro de Eriko (Buto) estis iama argonaŭto, kiu estus mortinta, logita al sia morto per la kanto de la Sirenoj. Sed la diino de amo savis lian vivon, kaj ŝi havis infanon kun Buto. Filo naskiĝis en Lilibeo, kaj ili nomis lin Eriko. Kiam Eriko estis pli aĝa, li iris orienten, enlanden, kaj fondis sian propran urbon.

Heraklo venis al Eriko dum sia 10-a laboro, kun la brutoj de Geriono. Unu el la virbovoj en la brutaro de Geriono forkuris ĉe Regio, transirante la markolon de Mesino en Sicilion, kaj okcidenten al Eriko. Heraklo persekutis ĝin ĝis Eriko, kaj postulis ĝian redonon. Eriko defiis la heroon al boksa batalo, por decidi kiu konservus la virbovon. Heraklo mortigis lin en la boksa batalo.

Eneo venis al Eriko, en la Eneado, kaj faris oferdonon al Eriko kiel heroo.