Oisín

Militisto-bardo. Oisín (Oisin) estis la filo de Finn Mac Cumhaill kaj Sadb (Saba aŭ Blaí), la cervino-virino. Vidu Sadb kaj la Naskiĝo de Oisín en la Fenia Ciklo.

Unu rakonto rakontas kiel li kaj Caílte Mac Ronan postvivis la Batalon de Gabhra, en la Acallam na Senórach (“Dialogo de la Antikvuloj”). Oisín disiĝis de Caílte, sed poste renkontis sian kunulon en Tara, kie li ankaŭ renkontis Sanktan Patrikon. Caílte kaj Oisín rememoris plurajn aventurojn de la Fian-militisto, precipe tiujn pri Finn.

En alia rakonto, Oisín postvivis la Batalon de Gabhra kaj renkontis Sanktan Patrikon 300 jarojn poste. Belulino de la Danann nomata Niam de la Ora Hararo logis Oisín al la Alia Mondo. Ili fariĝis amantoj.

Poste, kiam li decidis reveni al la surfaco, Niam avertis lin ne paŝi sur la surfacon, sed resti sur magia ĉevalo. Li rompis tiun geison, kaj transformiĝis en maljunulon. Oisin malkovris ke ĉiuj liaj kunuloj estis mortintaj de tricent jaroj.

Oisín tiam renkontis Sanktan Patrikon, al kiu li rakontis sian vivon kun sia patro (Finn) kaj la aventurojn de la Fianna. Li ankaŭ rakontis plurajn aventurojn kiujn li havis en la Alia Mondo. Patriko igis la rakontojn de Oisin registritaj. Antaŭ ol la heroo mortis, li estis baptita.

Estis Oisín kiu trovis la kornon borabu sub la roko. La borabu estis sonigita por kunvoki Fian-militistojn el ĉiuj partoj de Irlando.