Lludd and Llevelys

Britio estis regata de reĝo nomita Beli la Granda, la filo de Mynogan. Beli havis kvar filojn: Lludd (Nudd), Casswallan, Nynnyaw kaj Llevelys (Llefelys). Kiam Beli mortis, Lludd, estante la plej aĝa, iĝis reĝo de Britio.

Lludd rekonstruis la muron de Londono, kiu tiutempe estis nomita Caer Lludd (Caer Llundein aŭ Lwndrwys). Lludd estis granda militisto, fama pro kuraĝo kaj lertecoj en batalado, sed li amis sian plej junan fraton ĉar Llevelys estis saĝa. Llevelys iĝis la reĝo de Francio kiam li edziĝis kun la filino de la forpasinta reĝo (sennoma).

Iun tagon, Lludd malkovris ke Britio suferas de tri malsamaj plagoj. La unua plago estis la alveno de popolo konata kiel la Corannyeid. Lludd ne povis forigi ilin, ĉar ili povis aŭdi ĉiun konversacion en Britio. La dua plago estis krio aŭdebla ĉiun Maja Vesperaĉon. La krio kaŭzis abortojn ĉe gravedulinoj, igis malgrandajn infanojn senkonsciiĝi, kaj faris bestojn, arbojn kaj grundon senfekundaj. La tria plago estis same enigma. Kiom ajn da provizo estis preparita en la ĉefurbo de Lludd, la manĝaĵo kaj vino malaperis.

Lludd ne povis elpensi vojon por forigi la plagojn, do li sekrete aranĝis viziti sian fraton en Francio. La du fratoj renkontiĝis, kaj Llevelys sciis la solvojn al la problemoj de sia plej aĝa frato.

Sekvante la konsilon de sia saĝa frato, Lludd kolektis grandan kunvenon de homoj. Li dispremis kaj miksis iujn insektojn, kiujn lia frato donis al li, kun akvo. Lludd tiam ĵetis la miksaĵon sur ĉiujn kunvenintojn, mortigante ĉiujn Corannyeid sen damaĝi sian popolon.

La dua plago estis du drakoj batalantaj; fremda drako atakis la enlandajn drakon, kio kaŭzis tiun krion aŭdeblan ĉiun Maja Vesperaĉon. Llevelys sugestis ke lia frato trovu la ekzaktan centron de la insulo (Oksfordo) kaj fosu truon ĉe tiu centro, plenigos ĝin per ujo da mielo kaj kovros la truon per tuko.

La drakoj batalus ĝis ili estus lacaj. La drakoj transformiĝis en du porkojn dum ili falis en la ujon. Post kiam ili trinkis la mielon, ili ekdormis. Lludd devis enfermigi la du drakojn en ŝtonan kofron antaŭ ol la reĝo povus enterigi la kofron ĉe Dinas Emreis (antaŭe konata kiel Dinas Ffaraon Dandde).

Poste Lludd estis preta por la tasko forigi la trian plagon. Estis potenca magiisto (giganto) kiu ŝteladis la tutan manĝaĵon. La magiisto igis ĉiujn ĉe la festeno endormiĝi. Por venki la dormon, Llevelys konsilis sian fraton prepari kaj trempi sin en ujon da malvarma akvo kiam ajn li sentas sin dorma.

Kiam ĉiuj estis venkitaj de la dormsorĉo, Lludd trempiĝis en ujon da malvarma akvo kiu tenis lin veka kaj atenta. Li vidis la magiiston ŝtopantan enorman kvanton da manĝaĵo en malgrandan magian sakon. Lludd alfrontis kaj batalis la giganton antaŭ ol li povis eskapi. Lludd indulgis la gigantan magiiston nur kiam la magiisto ĵuris fidelecon al la reĝo.

Tiel Lludd finis la tri plagojn en Britio.