Gwendoloena (Gwendoleu)
Edzino de Merlin (Merlinus aŭ Myrddin).
En Vita Merlini, Geoffrey de Monmouth skribis ke kiam Merlin freneziĝis dum la Batalo de Arfderydd kaj fuĝis en la arbaron, Gwendoloena restis kun sia bofratino Ganieda (Gwenddydd) en la kortumo de Reĝo Rodarch (Rhydderch Hael). Ŝi reunuiĝis kun Merlin kiam la viroj de Rodarch kaptis lin en la arbaro de Calidon.
Kiam Merlin forlasis la kortumon de Rodarch, Merlin donis permeson al ŝi reedziĝi, sed avertis Gwendoloena-n ke ŝia estonta fianĉo ne devas vidi lin kiam li venos por doni al ŝi nupto-donacon. Tio similis al la irlanda geis (gesa), kiu estas malpermeso aŭ tabuo.
En la tago de ŝia nupto, Merlin alvenis al la palaco de Rodarch rajdante sur cervo, gvidante aliajn cervojn. Gwendoloena, kiu staris ĉe la fenestro, vidis kaj ridis la spektaklon de sia eksa edzo. Aŭ ŝi forgesis averti sian novan edzoncon aŭ li ignoris ŝian averton.
Ĉiukaze, la fianĉo mokis Merlin-on. Kiam la fianĉo staris antaŭ Merlin, Merlin forŝiris la kornon de la cervo kaj ĵetis ĝin al la amanto de Gwendoloena, mortigante lin. Merlin tiam revenis al la arbaro. Post ĉi tiu incidento, ni neniam plu aŭdis pri Gwendoloena.
Krom ĉi tiu evento, la rolo de Gwendoloena estas malgranda; la fratino de Merlin ludis pli gravan rolon en la vivo de la profeto/sorĉisto. Fakte, Gwendoloena eĉ ne aperas en la kimraj poemoj atribuitaj al Myrddin, do la Vita Merlini estas la sola verko kiu menciis ke Merlin havis edzinon.
