Svipdag

Unu el la ĉampionoj de Hrolf. Svipdag ludis elstaran rolon en Hrolfs saga Kraki, kaj ekzistas tuta epizodo de liaj aventuroj en la sagao.

Svipdag estis filo de farmisto, Svip. Li estis frato de Hvitserk kaj Beygad. Ili ĉiuj loĝis sur farmo proksime de unu el la montoj en Svedio, kaj Svipdag ne estis kontenta esti farmisto. Li decidis preni la servon de reĝo kiel militisto, malgraŭ ke lia patro provis malinstigi lin. Unue li decidis oferti servon al sia propra reĝo — Adils. Svip avertis sian filon, ke Adils ne estas bona reĝo; li estis kruela, negracia kaj malabunda reĝo, kaj plej malbone perfida.

Sed en la unua tago, kiam li alvenis al la kortego de Adils, li estis defiita al batalo kun la gvidanto de la berserkeroj de Adils. Svipdag mortigis la gvidanton kaj 3 aliajn berserkerojn. Adils koleris pro la lerteco de Svipdag kaj volis lin mortigita anstataŭ fari Svipdagon sia ĉampiono. Nur Yrsa ŝatis Svipdagon, kaj ŝi bonvenigis lin.

Adils faris Svipdagon komandanton de sia armeo, kaj ekzilis siajn berserkerojn post la morto de alia berserkero. La berserkeroj prirabis la teron de Adils, do la reĝo sendis Svipdagon forpeli ilin, sed samtempe Adils esperis la morton de la juna heroo.

En la lasta batalo Adils promesis helpon al Svipdag, sed la perfida reĝo ne aperis kun plifortigoj. En tiu tempo la du fratoj de Svipdag aliĝis al li, kaj Svipdag estis vundita, perdante unu okulon.

Kiam la sano kaj forto de Svipdag revenis, li decidis ne servi la negracian kaj perfidan reĝon, do li revenis hejmen kun siaj fratoj. Svip ne plu povis teni sian filon hejme. Do laŭ la konsilo de sia patro, Svipdag kun siaj du fratoj iris serĉi servon ĉe Hrolf Kraki, la filo de Yrsa.

La tri fratoj ricevis pli bonan ricevon ĉe Hrolf, kaj ili servis lin lojale. Snorri menciis ĉiujn tri fratojn en la Proza Edda, dum li listigis duon-dekduon da ĉampionoj de Hrolf. Ili aliĝis al Hrolf kiam ili iris al la kortego de Adils; Hrolf serĉis rekuperi la trezoron de sia patro, kiun Adils ŝtelis ĉe la morto de Helgi, pro la propra maĥinado de Adils.

Svipdag ankaŭ batalis en la lasta batalo. Skuld, fratino de Hrolf, kaj ŝia edzo Hjorvard invadis Danion. Kvankam Hrolf kaj liaj ĉampionoj batalis kuraĝe, ili estis superataj nombre, kaj ili ĉiuj estis mortigitaj kun Hrolf.

La fratoj de Bodvar kaj Vogg venĝis ilian morton per rekapti la regnon kaj mortigi Skuld.

Ĉar Svipdag perdis sian okulon, li estis komparita kun la norsa dio Odino. En la sagao de Hrolf li aperis dua nur post Bodvar Bjarki.

En la Proza Edda li estis unu el la 12 menciitaj ĉampionoj. La plej multo de tio, kion ni scias pri Svipdag, troveblas en la Hrolfs saga Kraki.