Hogni

Giukingo. Hogni de Troja estis la filo de Giuki kaj Grimhild. Li estis la frato de Gunnar, Guttorm kaj Gudrun. Sed en la Þiðrekssaga Högni de Troja estis la filo de inkubo kaj la reĝino, do li estis nur duonfrato de Gunnar, Gernoz, Gisler kaj Grimhild.

Gunnar kaj Hogni fariĝis sangfratoj de Sigurdo kiam la heroo edziĝis al ilia fratino Gudrun. Brynhild trompis kaj mensogis al ili ke Sigurdo malhonoris ŝin kuŝante kun ŝi, kiam Sigurdo helpis Gunnaron svati la valkirion. Do Hogni kaj liaj fratoj planis la morton de Sigurdo.

Je la morto de Sigurdo, Hogni kaj Gunnar dividis la trezoron de Sigurdo. Brynhild ankaŭ sinmortigis sur la funebra brulŝtiparo de Sigurdo. Ĉar Brynhild estis la fratino de Atli, ili atendis ke Atli venĝos kontraŭ ili. Gunnar kaj Hogni devigis Gudrun edziĝi al Atli, por trankviligi sian pli potencan najbaron.

Hogni edziĝis al Kostbera (Kosthera aŭ Beri) kaj havis tri filojn — Solar, Snaevar kaj Giuki. Poste alia filo nomita Niflung estis menciita. La ĉevalo kiun li rajdis nomiĝis Holkvir, laŭ la Edda de Snorri Sturluson.

Kiam Atli invitis Gunnaron kaj Hognin viziti sian fratinon, ili suspektis ke Atli celas la trezoron, do ili kaŝis la trezoron en la rivero Rejno. Ili ĵuris neniam malkaŝi la lokon de la trezoro.

La viroj de Atli kaptis lin kaj lian fraton kiam ili vizitis sian fratinon. Nek unu frato malkaŝus la lokon de la trezoroj de Sigurdo. Gunnar trompis Atlin por ke li detranĉu Hognin antaŭ ol li malkaŝus la trezoron.

En la Poezia Edda el la poemo Atlakvida («Kanto de Atli»), Atli provis trompi Gunnaron detranĉante la koron de Hialli, la kuiristo de Atli. Sed Gunnar tuj sciis ke la koro ne apartenas al lia frato, sed al la malkuraĝa Hialli, ĉar ĝi ankoraŭ tremis en lia mano. Kiam Atli detranĉigis la koron de Hogni, Hogni defie ridis al sia mortiginto.

Gunnar ankaŭ mortis sen malkaŝi la trezoron. Poste la fratino de Hogni, Gudrun, kaj lia filo Niflung (ankaŭ literumita Niflungr aŭ Hniflung) venĝis iliajn mortojn mortigante Atlin kaj ekbruligante la palacon.

---

En la ĝermana sago Nibelungenlied Hogni estis identigita kiel Hagen, konsilisto kaj helpanto de Gunther (Gunnar), ne lia frato kiel en la norda mitologio. Hagen ludis esencan rolon en la Nibelungenlied. Hagen planis murdi Siegfried (Sigurdon), por ke li povu kapti la trezoron. Hagen kaj Gunther aranĝis la morton de Siegfried dum ĉasvojaĝo. Je la morto de Siegfried, Hagen ŝtelis la malbenitan trezoron (Rejngold) kiu devus aparteni al Kriemhild (Gudrun), edzino de Siegfried. Sciante ke Kriemhild volas la trezoron por levi armeon por venĝi la morton de sia edzo, Hagen sinkigis la trezoron en la Rejnon. Kiam Gunther iris viziti sian fratinon, ili estis kaptitaj de Etzel (Atli), la dua edzo de Kriemhild. Kiam Hagen rifuzis diri al Kriemhild kie li kaŝis la trezoron de Siegfried, Kriemhild murdis Hagenon per la glavo de Siegfried.

En la diversaj versioj de Waltharius (Walther) kaj Hiltgunt, Hogni estis unu el la junaj ostaĝoj de Atli (Attila).