Atreo kaj Tiesto

Dum la regado de Perseo, Pelopso estis reĝo de Piso dum lia edzino Hipodameia naskis al li multajn infanojn, inkluzive de Pitteo (reĝo de Trojzeno), Atreo (Ἀτρεύς) kaj Tiesto (Θυέσης).

Pelopso lerte edzinigis plej multajn el siaj filinoj al la filoj de Perseo: Astidameia al Alkajo (Alcaeus), kaj ŝi naskis al li Amfitrionon; lia filino Anakso edziĝis al Elektriono, kiu fariĝis patrino de Alkmeno; kaj Stenelo estis patro de Eŭristeo de la filino de Pelopso, Nikippe. Atreo kaj Tiesto regis Mideon, vasalan urbon de Stenelo.

Pelopso ekzilis Atreon kaj Tieston kiam ili murdis sian duonfraton Ĥrisipon, kiun Pelopso favoris sed Hipodameia malamis. Estis plej verŝajne ilia patrino kiu instigis ilin murdi Ĥrisipon.

Je la morto de Eŭristeo kaj pro fortaj ligoj kun la Perseidoj, Atreo kaj Tiesto fariĝis reĝoj de Mikeno.

La sekvaj eventoj estas prefere konfuzaj; ŝajnis ke Tiesto regis dum mallonga tempo antaŭ ol Atreo konvinkis la popolon permesi al li regi anstataŭe. Atreo forpelis Tieston el Argolido.

Poste Atreo malkovris ke lia edzino Aerope, la filino de reĝo Katreo de Kreto, havis amrilaton kun sia frato.

Pretendante fari pacon kun Tiesto, Atreo invitis sian fraton reen al Mikeno. Tiam Atreo murdis la filojn de Tiesto kaj servis ilin al sia frato dum la festo. Malkaŝante kion li faris, Atreo ekzilis sian fraton la duan foje.

Tiesto iris al Delfo kaj demandis kiel venĝi la morton de siaj filoj. La orakolo diris al li havi infanon de sia propra filino, Pelopio. Tiesto senkonscie perfortis sian propran filinon en Sikiono (?) antaŭ foriri al Lidio. Pelopio tenis la glavon kiun ŝia patro lasis malantaŭe kiam li perfortis ŝin.

En Mikeno, Atreo eksedziĝis sian edzinon Aerope pro la kialo ke ŝi faris adulton kun sia frato. Atreo tiam iris al Sikiono, renkontis kaj enamiĝis al Pelopio kaj senkonscie edziĝis al la filino de Tiesto, kiu jam estis graveda. Ŝi naskis al li Egiston (Aigisthos), kiun ŝi elmetis por morti.

Sed Atreo trovis la bebon kaj, pensante ke la bebo apartenas al li kaj Pelopio, li edukis la knabon mem.

Estis ĉirkaŭ tiu tempo ke Atreo alianciĝis kun aliaj peloponesaj regnoj kaj renkontis la armeon de la Heraklidoj (Infanoj de Heraklo). Anstataŭ batali, ili konsentis ke kiu ajn perdos unuopan batalon devas iri en ekzilon dum kvindek jaroj. Hilos, filo de Heraklo, batalis kontraŭ Eĥemo, reĝo de Arkadio. Eĥemo mortigis Hilon, kaj la Heraklidoj iris en ekzilon. Sukcesa invado de la Heraklidoj ne alvenis ĝis 3 generacioj poste. Vidu Heraklidoj.

Malsato trairis lian landon, kaŭzita de lia murdo de la filoj de Tiesto. Atreo estis konsilita de la orakolo de Delfo trovi sian fraton kaj revenigi lin al Mikeno. Trovante Tieston, Atreo havis sian fraton ĵetita en la karceron. Atreo ordonis al Egisto murdi Tieston. Sed Tiesto, rekonante sian propran glavon, asertis ke la glavo apartenas al li kaj petis Egiston alporti sian patrinon al li.

Pelopio rakontis al li kiel ŝi akiris la glavon post sia perforto. Komprenante ke estis ŝia propra patro kiu perfortis ŝin, Pelopio sinmortigis per la glavo kiun ŝia filo tenis. Kun la sango de sia patrino sur la glavo, Egisto iris al Atreo kaj asertis ke li murdis Tieston. Tiam Egisto uzis la glavon, sur kiu lia patrino ĵus mortis, por mortigi sian onklon Atreon.

Tiesto denove regis Mikenon, sed nur dum mallonga tempo. La filoj de liaj fratoj de Aerope (konataj kiel la Atreidoj), Agamemnono kaj Menelao (Menelaüs), venĝis la morton de sia patro murdante Tieston. Agamemnono kaj Menelao ankaŭ forpelis Egiston el Mikeno.

Agamemnono tiam fariĝis reĝo de Mikeno. Malgraŭ la fakto ke Mikeno atingis sian zeniton dum la regado de Agamemnono, la malbeno ankoraŭ sekvis la Domon de Atreo. Pli da sango estus verŝita.