Fafnir
Fafnir estis la filo de Hreidmar kaj frato de Otter kaj Regin. Kiam Hreidmar ricevis la elaĉeton (trezoron de Andvari) de Loki, avideco ekestis en la tuta familio. Fafnir mortigis sian patron kaj forpelis Regin, tenante la tutan trezoron por si.
La avideco de Fafnir estis tiel granda, ke li transformiĝis en grandan drakon, foje konatan kiel la Vermo. Li gardis la trezoron de Andvari ĝis Sigurd mortigis lin per la glavo Gram, kiu estis reforĝita de la frato de Fafnir, Regin, kiu estis forĝisto kaj adoptpatro de Sigurd. Manĝante drakan koron, Sigurd akiris forton kaj potencon super ĉiu viro aŭ virino, same kiel la komprenon de la lingvo de la birdoj. De la birdoj Sigurd lernis, ke Regin intencas mortigi lin. Sigurd mortigis Regin kaj prenis la trezoron kaj la malbenitan ringon de Fafnir.
En la norvega eposo Thiðrekssaga Fafnir tute ne aperas. En tiu rakonto la drako nomiĝis Regin, kaj la forĝisto, kiu edukis Sigurd, nomiĝis Mimir. Kiel en la islanda versio, Sigurd mortigis la drakon kaj poste la forĝiston. Vidu Regin.
