Argoso post la Troja milito

Diomedo, filo de Tideo, estis kapitano de la argivaj fortoj ĉe Trojo kaj alportis okdek ŝipojn kun si el Argoso, Tirinto, Epidauro kaj Trezino. Liaj leŭtenantoj Stenelo, filo de Kapaneo, kaj Eŭrialo, filo de Mekisteo, akompanis lin. Ĉiuj tri gvidantoj antaŭe marŝis kun la Epigonoj kontraŭ Tebo kaj ĉiuj tri estis svatantoj de Heleno. Diomedo estis unu el la pli elstaraj militistoj en la milito en Trojo. Post Aĥilo, Diomedo estis la plej forta militisto de la greka flanko.

Ne longe post la reveno de Diomedo kun la argiva armeo, la juna reĝo Kianipo, nepo de Adrasto, mortis. Kilarabes, filo de Stenelo, fariĝis la reĝo de Argoso. Kvankam Diomedo estis la bofilo de Adrasto, Kilarabes estante la ido de Proeto havis pli bonan pretendon al la trono ol la granda heroo.

Diomedo poste estis devigita en ekzilon kiam lia edzino prenis Kometon, la filon de Stenelo, kiel sian amanton. Diomedo migris al Argiropa, urbo en suda Italio. Laŭ Vergilio en la Eneido, Diomedo rifuzis helpi Turnon kaj militi kontraŭ la troja heroo Eneo.

Oresto, la filo de Agamemno kaj Klitajmnestra, poste kaptis la tronon de Kilarabes. La filo de Oresto Tisameno sukcedis lin, sed li estis mortigita batalante kontraŭ la reveno de la Heraklidoj.