Alba Longa

Alba Longa situis sur la Albanaj montetoj, en Latiumo, ĉe la bordo de la lago Albanus.

Oni diris ke la urbo estis fondita de Askanio, filo de Eneo kaj Kreusa, kiu estis filino de Priamo kaj Hekubo. Sukceda linio de 13 reĝoj estis listigita. Alba Longa estis la naskiĝloko de la ĝemeloj, Romulo kaj Remo, filoj de Marso (Areso) kaj Ilia (ankaŭ konata kiel Rea aŭ Rea Silvia), filino de Numitoro. La frato de Numitoro, Amulio, enprizonigis lin kaj uzurpis la tronon. Numitoro reakiris sian regnon kiam liaj nepoj savis lin kaj mortigis Amulion.