Fenriro

Giganta lupo. Fenriro estis la ido de Lokio kaj la gigantino Angerbodo. Fenriro ankaŭ estis nomata Fenris. Snorri Sturlusono donis al Fenriro ankoraŭ alian nomon, Vanargando.

Fenriro kreskis tiel rapide kaj atingis tiajn gigantajn proporciojn, ke la dioj timis lin. La dioj ŝajnigis ludi ludon pri ligado de la lupo, por vidi ĉu ĝi povus liberiĝi. Fenriro konsentis ludi la ludon, se iu metus sian manon en la buŝegon de Fenriro. Nur la militdio Tiro estis sufiĉe sentima por meti sian manon en ĝian buŝon.

La dioj trovis, ke nenio povas ligi la lupon, ĝis ili ricevis magian silkan rubandon nomatan Gleipniro, kreitan de gnomoj. Tiu ĉi rubando estis farita el sono de kato, barbo de virino, spiro de fiŝo kaj salivo de birdo. Kiam Fenriro ne povis eskapi, li komprenis, ke li estis trompita de la dioj, kiuj rifuzis liberigi lin. Kiel venĝon, Fenriro mordis la manon de Tiro. De tiam, Tiro estis konata kiel la Unumana Dio. Vidu Ligitaj Monstroj en Ragnarök.

Kiam Ragnarök alvenis, Fenriro liberiĝis de siaj katenoj kaj kuniĝis kun la aliaj gigantoj kaj monstroj en milito kontraŭ la dioj. Fenriro batalis kontraŭ Odino ĝis la lupo mortigis kaj formanĝis Odinon. Vidaro venĝis la morton de sia patro disŝirante la makzelon de Fenriro per siaj nudaj manoj.

Laŭ la Voluspa, Fenriro estis la patro de alia giganta lupo, Moongarmo, la lupo, kiu englutus la lunon dum Ragnarök. La patrino de Moongarmo estis unu el la trol-edzinoj loĝantaj en Fera Arbaro (Ironwood), konataj ĝenerale kiel la Iarnvidiur.