Alberich

Nano en la germana mitologio, Alberich aperis en la eposa poemo aŭ sago nomita Nibelungenlied. Alberich servis unue kiel trezoristo de Nibelung I, kies nomo estis donita al la lando Nibelunglando. La popolo, kiu loĝis en tiu lando, estis nomita Nibelungoj. La zorgo de la trezoro de Nibelung estis donita al Alberich kiel gardanto.

Je la morto de Nibelung, Alberich tiam servis la filojn de Nibelung — Schilbung kaj Nibelung II. La fratoj regis Nibelunglandon kiel reĝoj. Serĉante aventuron en fremdaj landoj, Siegfried mortigis la du reĝojn en batalo.

Alberich posedis Tarnkappe, mantelon, kiu faris la portanton nevidebla. Alberich uzis la magian mantelon por defendi la nibelungan trezoron. Alberich perdis la magian mantelon al Siegfried. Gajninte la regnon kaj la trezoron, Siegfried fariĝis la nova sinjoro aŭ reĝo de Nibelunglando.

Je la morto de Siegfried, kiu estis murdita de Hagen, Alberich vidis, ke la trezoro rajte apartenas al la vidvino de Siegfried, Kriemhild. Sen la magia mantelo (Tarnkappe) Alberich ne povis ĝuste protekti la enorman riĉecon kontraŭ invadantoj, do la nano pensis, ke estas plej bone doni la trezoron al la vidvino de Siegfried.

Tamen ne longe post kiam Kriemhild akiris la trezoron, Hagen ŝtelis la trezoron de ŝi kaj sinkigis ĝin en la riveron Rejno. Kriemhild provis reakiiri la trezoron de Siegfried edziniĝante al potenca reĝo, reĝo Etzel. Tamen ĝi estis perdita por ĉiam kiam Kriemhild murdis Hagen.

Notu, ke post la edziĝo de Kriemhild al Etzel la Burgundoj fariĝis nedistingeblaj de la Nibelungoj.