Vili (Hoenir)

Vili estis la filo de la gigantoj Bor kaj Bestla. Vili foje estis nomita Hœnir (Hoenir aŭ Haenir). Vili, kune kun siaj fratoj Odino kaj Ve, mortigis la giganton Ymir kaj kreis la universon.

Kiel Hœnir li donis la donacojn de spirito kaj kompreno al la unua viro kaj virino.

Snorri Sturluson nomis Haenir la rapidan, kaj la longan piedon. Li ankaŭ estis nomita la koto-reĝo.

Kiel Hœnir li estis unu el la ostaĝoj al la Vanir dum la paco inter la militemaj dioj: Aesir kaj Vanir. Kiel frato de Odino li taŭgis por regi, sed li ne estis tre inteligenta. Li ricevis oftajn konsilojn de Mimir, la plej saĝa el la Aesir. La Vanir fariĝis suspektemaj kiam li donis malbonajn konsilojn kiam Mimir forestis. La Vanir sentis sin trompitaj kaj senkapigis Mimir, resendante la kapon al la Aesir.

Denove kiel Hoenir li aperis en la Völsunga-sago (Volsunga Saga). Hoenir kaj Odino estis tenataj kiel ostaĝoj de Hreidmar, kiam Loki mortigis la filon de Hreidmar, Otter (vidu Elaĉeto de Otter).

El la tri fratoj (kaj multo de la pli aĝa generacio de dioj), nur Vili (Hoenir) supervivis Ragnarök.