Aeolids 2 (Corinth & Orchomenus)
La dua paĝo de la genealogio de la Eolidoj (posteuloj de Eolo), montrante la familiajn arbojn de Sisifo de Korinto kaj Atamanto de Orĥomeno. Ambaŭ Sisifo kaj Atamanto estis filoj de Eolo.
Vi trovos alian familian arbon kiu montras ĉiujn infanojn de Eolo en Eolidoj 1, sub la Deŭkalionidoj (Posteuloj de Deŭkaliono). Deŭkaliono estis la filo de la Titano Prometeo.
Domo de Sisifo
La familia arbo de Sisifo povas esti dividita en tri partojn, ĉar liaj posteuloj regis tri potencajn regnojn.
Liaj filoj, Glaŭko kaj poste Ornitiono, sekvis lin en Korinto. Glaŭko estis eble la patro de Belerofono, kvankam kutime oni diris ke la vera patro de Belerofono estis la mardio Posejdono. Belerofono estis ekzilita pro murdo. Do kiam Glaŭko mortis, lia frato Ornitiono sekvis lin.
La alia filo de Sisifo, Almo, regis en Orĥomeno, en Beotio.
Lia nepo Belerofono regis la regnon de Likio, en Malgranda Azio (sudokcidenta Turkujo).
Estas iom da konfuzo pri la Likia linio de Sisifo.
Kelkaj diras ke Belerofono estis la filo de Glaŭko kaj Eŭrimedo aŭ Eŭrinomo, dum aliaj preferis la tradicion ke Glaŭko estus nur la patro de infanoj de aliaj, sed neniam de siaj propraj. Tio estis malbeno kiun Zeŭso metis sur Glaŭkon, pro sia malamo al Sisifo. Posejdono estis maskinta sin kiel la edzo de Eŭrimedo, do Posejdono estis la vera patro de Belerofono.
Estis aliaj aspektoj de konfuzo pri kies gepatroj estis Sarpedono. Mi parolas pri la Sarpedono kiu estis la kapitano de la Likiaj fortoj dum la Troja Milito, ne pri lia avo, la Kreta Sarpedono, kiu estis la filo de Zeŭso kaj Eŭropo.
Ambaŭ filinoj de Belerofono asertis esti la patrino de Sarpedono. Laŭ Homero, Sarpedono estis la filo de Zeŭso kaj Laodamejo. En la plej multaj aliaj fontoj, la patrino de Sarpedono estis Deidamejo, dum la patro estis Evandro, la filo de la Kreta Sarpedono. Plej multaj homoj preferis la duan tradicion, ke Sarpedono estis filo de Deidamejo.
Bonvolu noti ke kelkaj fontoj diris ke Sisifo estis la vera patro de Odiseo, ne Laerto, kiam la Korinta reĝo perfortis Antiklejon, filinon de la majstra ŝtelisto Aŭtoliko. Se ĉi tio estas vera, tiam Odiseo havas fortan ligon al la Eolidoj.
Domo de Atamanto
Jen du familiaj arboj por la domo de Atamanto. Ambaŭ arboj estas rilataj.
La unua familia arbo montras la infanojn kaj posteulojn de Atamanto de liaj unuaj du edzinoj: Nefelo kaj Ino.
La dua familia arbo de Atamanto montras liajn infanojn kaj posteulojn de lia tria edzino Temisto, filino de Reĝo Hipseo de Tesalio.
Oni devas rimarki ke Sĥeneo estis foje konsiderata kiel la reĝo de Orĥomeno aŭ tiu de Arkadio. Foje, Atalanto estis konsiderata kiel la filino de Jaso, anstataŭ de Sĥeneo.
