Vaniroj
La Vaniroj estis tribo de diaĵoj ligitaj al fekundeco kaj prospereco. Ili loĝis en Vanaheim (Vanaheimr aŭ Vanaland), la mondo de la Vaniroj.
Ili militis kontraŭ rivala tribo de dioj konata kiel la Aesiroj. Ili malsimilis al la Aesiroj per tio, ke ili estis la Vaniraj dioj de lumo. La Aesiroj ŝajnis pli malgajaj kaj mallumaj. Tamen, post paco inter la Vaniroj kaj Aesiroj, tri el la Vaniroj — Njörd, Freyr kaj Freyja — fariĝis ankaŭ popularaj diaĵoj de la Aesiroj. (Vidu Milito de Aesiroj kaj Vaniroj por pliaj detaloj.)
Krom Njörd kaj liaj infanoj, ekzistas tre malmulta informo kompare kun la Aesiroj. La Vaniraj diaĵoj ŝajnis esti pli popularaj en Svedio, kie plej multaj el iliaj adorejoj estis trovitaj. Tamen, ankaŭ aliaj skandinaviaj landoj adoris ilin.
Unu el la diferencoj inter la Aesiroj kaj la Vaniroj estis, ke ĉi-lasta praktikis incestajn geedziĝojn. Njörd kaj lia sennoma fratino estis edzo kaj edzino, kaj estis gepatroj de ĝemeloj, Freyr kaj Freyja. Freyr kaj Freyja ankaŭ estis geedziĝintaj unu kun la alia. Dum Njörd kaj liaj infanoj loĝis en Vanaheim, incesto inter gefratoj estis normala praktiko, sed kiam ili fariĝis Aesiraj diaĵoj kaj loĝis en Asgardo, la tri Vaniraj diaĵoj devis trovi aliajn partnerojn. Evidente la Aesiroj malaprobis inceston.
Genealogio
Arbo de Nordiaj Diaĵoj kaj Gigantoj
