Njördo

Dio de vento kaj maro. Njördo (Njord) ŝajnis esti la estro de la Vanir antaŭ ol li fariĝis Asir-dio.

Dum li loĝis en Vanaheim, Njördo estis edzo de sia propra fratino (sennoma aŭ alie ŝi estas la ĝermana diino Nertuso). Snorri Sturlusono menciis tiun ĉi incestan geedzecon en la Ynglinga Saga 4. Njördo estis la patro de Frejro kaj Freja.

Kelkaj akademiuloj kredis, ke Njördo estis ina formo de Nertuso. Vidu Ĝermanaj Diaĵoj, Nertuso.

Njördo kaj liaj infanoj origine estis Vanir, kaj dum la paco inter ili kaj iliaj rivalaj triboj, la Asir, ili estis interŝanĝitaj kiel ostaĝoj por konservi la pacon. Tamen Njördo kaj liaj infanoj poste estis ofertitaj lokojn ene de la Asir. (Vidu Milito de Asir kaj Vanir).

Ŝajnis, ke incesto estis normala praktiko inter la Vanir. Kiam Njördo fariĝis membro de la Asir, same kiel liaj infanoj, Njördo devis forlasi sian fratinon-edzinon (Nertuson?).

Lia geedzeco kun la gigantino Skadio, filino de Thiassio, ne daŭris longe pro la fakto, ke li preferis loĝi ĉe la maro, Nóatún (Noatun), dum Skadio ŝatis loĝi en la montoj. Skadio forlasis Njördon antaŭ ol ŝi edziniĝis al Ulo.

Njördo estis la dio de la maro. Li estis la patrona dio de maristoj kaj fiŝkaptistoj. Li ankaŭ estis dio de bonŝanco, al kiu maristoj kaj fiŝkaptistoj preĝis kiam ili ekiris al la maro, ĉar li estis tiu, kiu moderigus la venton kaj maron. Njördo eble ankaŭ estis la dio de ĉasado.

Laŭ Vafthrudnismal (Kanto de Vafthrudnir), Njördo revenos al Vanaheim kiam la dioj batalos ĉe Ragnarok. Ĉu Njördo postvivis aŭ ne, tio nenie estas registrita, sed tiu mallonga pasaĵo povas implici, ke li ja postvivis. Ĝi ankaŭ povas implici, ke la Vanir, kiuj ne partoprenis en la fina batalo, kaj la Vanaheim, eble ankaŭ postvivos.