Edipo

Edipo estis la filo de la reĝo Lajo kaj la reĝino Jokasto de Tebo. Orakolo avertis, ke ĉiu infano, kiun ili naskigus, estas destinata mortigi sian patron kaj edziĝi kun sia patrino, kaj tial la bebo Edipo estis lasita morti sur la monto Kiterono. Tamen, lin savis paŝtisto, kaj li estis edukita en la domo de la reĝo de Korinto. Kiam Edipo aŭdis de orakolo, ke li estas destinata edziĝi kun sia patrino kaj mortigi sian patron, li fuĝis el Korinto, ironie reen al Tebo, kaj survoje mortigis sian nerekonatan biologian patron Lajon en vojflanka batalo. Li pluiris al Tebo, kie li solvis la faman enigmon de la sfinkso, post kio la dankemaj Tebanoj faris lin reĝo, kaj li edziĝis kun la vidvigita reĝino Jokasto, nekonscia, ke ŝi efektive estis lia propra patrino. Jokasto kaj Edipo havis kvar infanojn kune: Antigono, Ismeno, Eteoklo kaj Poliniko. Kiam Edipo fine malkovris la veron pri sia deveno, li blindigis sin kaj vagis blinde tra la lando dum kelkaj jaroj, finfine mortante ĉe Kolono post esti metita sub la protekton de la reĝo Tezeo de Ateno.