Ifigenia

Ifigenia (aŭ Ifigeneja) estis filino de la reĝo Agamemnono kaj Klitemnestra, kaj fratino de Oresto, Elektra kaj Krisotemiso. Kiam la ŝipoj de Agamemnono senventiĝis ĉe Aŭliso survoje al la Troja Milito (post kiam Agamemnono ofendis la diinon Artemison), orakolo malkaŝis, ke la ventoj revenos nur se li oferos sian filinon Ifigenian. Agamemnono trompis Klitemnestran por ke ŝi sendu Ifigenian, kaj ŝi estis konvene oferita. Tamen, alia versio asertas, ke Ifigenia estis anstataŭigita en la lasta momento kaj kondukita de Artemiso al Taŭriso, por vivi tie kiel ŝia pastrino kaj prepari aliajn por ofero, kaj ke tie ŝia frato Oresto poste malkovris ŝin kaj helpis al ŝi fuĝi.