Gilgameŝo

En mezopotamia mito, Gilgameŝo (ankaŭ konata kiel Bilgameŝo en la plej fruaj tekstoj) estis la filo de la sumera reĝo Lugalbandao kaj la malĉefa diino Ninsuno (ankaŭ nomata Rimat-Ninsuno). Li estis priskribita kiel du trionoj dio kaj unu triono homo, kaj oni atribuis al li superhoman forton kaj bravecon. Li estis la kvina reĝo de la urbo Uruko, kaj respondecis pri la konstruado de granda urba muro por defendi sian popolon kontraŭ eksteraj minacoj. Akompanata de sia konstanta amiko, la potenca sovaĝulo Enkiduo, li spertis multajn aventurojn, inkluzive de la mortigo de la Taŭro de la Ĉielo kaj de la demono Humbabao. Post la morto de Enkiduo, li vojaĝis ĝis la finoj de la Tero kaj preter, serĉante la sekreton de eterna vivo.