Kirka

Kirka estis diino (aŭ foje nimfo, sorĉistino, ensorĉistino aŭ magiistino), filino de Helio, la dio de la suno, kaj Perseo, Okeanidino. Ŝi ankaŭ estis fratino de du reĝoj de Kolĥido, Eeto kaj Perso, same kiel de Pasifao, patrino de la Minotaŭro. Kirka transformis siajn malamikojn, aŭ tiujn, kiuj ofendis ŝin, en bestojn per uzo de magiaj eliksiroj. Dum iliaj vagadoj, Odiseo kaj lia ŝipanaro renkontis Kirkan sur la insulo Eajo. Tamen Odiseo protektis sin kontraŭ ŝiaj sorĉoj per magia herbo, kaj la du fariĝis amantoj kaj havis filon, Telegonon (kiu poste hazarde mortigus sian patron).