Aĥilo

Aĥilo estis la filo de la nimfo Tetiso kaj Peleo, la reĝo de la Mirmidonoj. Tetiso provis igi lin senmorta trempante lin, kiam li estis bebo, en la riveron Stikson, kvankam li restis vundebla ĉe la parto de la korpo, per kiu ŝi tenis lin — lia kalkanumo. Li estis greka heroo de la Troja Milito (kaj ankaŭ laŭdire la plej bela inter la herooj kunigitaj kontraŭ Trojo) kaj, malgraŭ lia provizora retiro el la batalo post kiam Agamemno malhonoris lin, li respondecis pri la gravaj mortoj de la troja militista heroo Hektoro, Troilo kaj multaj aliaj. Li fine estis mortigita de Pariso per sago en lian vundeblan kalkanumon.